Mor: RR N J(D)CH Amie II
Far: N J(D)CH N UCH Eikerdalens Hunter
Eier: Tom Vala
Oppdretter: Kjell Roar Hansen
Eventyret med Torvald starta etter at me hadde hatt gjentekne besøk av Kjell Roar Hansen og Amie på hytta. Amie hadde mange gode og fine losar, og Kjell Roar fortalde at han hadde tenkt å ha eit kull på Amie. Då sa eg at viss det var greitt, kunne eg godt tenkt meg førsteretten på hanne.
Så i juli 2023 henta me Torvald heim til Morgedal. Torvald var ein tillitsfull og nysgjerrig valp, snill og roleg kar. Det blei mange turar i skogen, både i Morgedal og Rauland, saman med Birger og Stein Inge Rinden.
Utpå våren 2024 starta Telemark Harehundklubb ringtrening til utstillinga på Sandvik. Helene tok Torvald med seg på ringtreninga. Dei trente heime òg, og så meldte ho han på utstillinga i Bø 04.05.24. Han kom heim att med CK, så me var veldig nøgde.
Helene hadde lyst til å prøva fleire utstillingar med Torvald, og det enda med fem ulike utstillingstitler på Torvald.
Torvald blei såpass god utover hausten 2024 at me fann ut at no var det kanskje på tide å stilla han på jaktprøve. Den 21.02.25 starta han på si første prøve, som gjekk veldig bra med 1. open. 24.02.25 gjekk han til ein ny 1. open.
Hausten kom, og ny jaktprøve. Den 13.10.25 starta han på Valhall-prøva, der blei det ein første EP. Samanlagt blei Torvald nummer 3 på denne prøva.
Dermed blei Torvald N J(D)CH. Så tusen takk for at me fekk førsteretten på valpane av deg, Kjell Roar.
